«СӨ ОДьКХ» ГУП 2021 сылга сылааһынан хааччыйар ситимигэр өрөспүүбүлүкэ 19 оройуонугар 52 социальнай суолталаах эбийиэги холбоото.
Ол курдук, кииннэммит ситимтэн сылааһынан уонна тымныы уунан хааччыйыыга холбоннулар: Тиксии бөһүөлэгэр “Гидрометеорология уонна тулалыыр эйгэни кэтээн көрүү Саха сиринээҕи управлениета” тэрилтэ лабораторнай-производственнай куорпуһа, Ньурбаҕа Норуот айымньытын дьиэтэ, Дьокуускайга бассейннаах уонна катоктаах физкультурнай-чэбдигирдэр киин, Үөһээ Халыма оройуонун Зырянка бөһ. 44 кыбартыыралаах дьиэ.
“Быйыл технологическай холбооһун былаанынан тэрилтэ хочуолунайдарыттан 0,1 Гкал/чаас тахса ноҕуруускалаах социальнай эбийиэк 52 эбийиэгэ сылааһынан хааччылынна. Кииннэммит ситимҥэ 1028 кэтэх ыал дьиэтэ уонна өрөспүүбүлүкэ 27 оройуонугар 149 атын эбийиэк. Сыллата биһиги сылааһынан хааччыйыыга саҥа эбийиэктэри уонна олорор дьиэлэри холбуурга кыһаллабыт. Ааспыт сылга бу сыалга анаан 43 км итии ситимин туттубут уонна саҥардан оҥордубут”, — диэтэ “СӨ ОДьКХ” ГУП генеральнай дириэктэрэ Виталий Чикачев.
Маны сэргэ сылаас ситимигэр холбоннулар: Абаҕаҕа оскуола-дьыссаат уонна Өнньүөскэ дьыссаат (Амма), Бүлүү улууһун Күбэйиҥдэ сэл. дьыссаат, Бэрдьигэстээххэ 50 миэстэлээх интэринээттээх универсальнай ытар комплекс, Эдьигээн Кыстатыамыгар оскуола-дьыссаат, Таатта Кыйытыгар оскуола уо.д.а.
“СӨ ОДьКХ “ГУП пресс-сулууспата
Бэлэмнээтэ Женни Стрюкова
Хаартыска: тустаах саайтан