2020 сыл түмүгэ — 39 туонна кыһыл көмүс.
2020 сыл түмүгүнэн Саха сирин сирин баайын туһанааччылара 39 туонна кыһыл көмүһү хостоотулар, ити 2019 сыллааҕар 7,1 бырыһыанынан үрдүк, диэн Саха сирин бырамыысыланнай геологияҕа министиэристибэтин пресс-сулууспата иһитиннэрэр.
Ааспыт сыл түмүктэрэ Саха сиригэр рекордка киирэллэр уонна РФ субъектарын ортотугар кээмэйинэн үһүс көрдөрүү буолар. Кыһыл көмүһү хостооһун улаатыыта “Селигдар” ПАУо, “Полюс Алдан” АУо-ҕа, “Нерюнгри-Металлик” ХЭТ, “Тарынская золоторудная компания” АУо тэрилтэлэригэр производственнай кыамталар улааппыттарын кытта сибээстээх.
Санатан эттэххэ, “Полюс Алдан” хампаанньа (“Полюс” ПАУо-ҕа киирэр) былырыын 7,5 туонна күндү металы таһаарбыта, оттон “Селигдар” ПАУо отчуоттуур кэмҥэ 7 туонна кыһыл көмүһү аффинажка ыытта.
Быйыл Саха сиригэр “Полиметалл” хампаанньалар бөлөхтөрүн Нежданинскайдааҕы баайдаах сирин бастакы уочаратын үлэҕэ киллэриэхтэрэ. Бу сир баайа-дуола 8,1 мөл унция кыһыл көмүс эквивалеҥҥа тэҥнэһэр. Оҥорон таһаарыы сыллааҕы кээмэйэ 155-180 тыһ. унция кыһыл көмүс эквивалеҥҥа тэҥнэһэрэ күүтүллэр.
Сахагов саайтан
Бэлэмнээтэ Женни Стрюкова
Хаартыска: тустаах саайтан