Айылҕа харыстабыла Сүрүн

Ааспыт сууккаҕа түөрт ойуур баһаарын умуруордулар

Саха сиригэр сууккаҕа түөрт ойуур баһаарын умуруордулар, билигин Бүлүү, Сунтаар, Чурапчы уонна Уус Маайа улуустарыгар уоту бохсоллор. 

Нэһилиэнньэлээх пууннарга куттал суоһаабат. Сарсыардааҥҥы брифиҥҥэ СӨ Бырабыыталыстыбатын бэрэссэдээтэлин бастакы солбуйааччы  Дмитрий Садовников иһитиннэрбитинэн, эбии түөрт баһаар уота күөдьүйдэ.

Бүгүҥҥү күҥҥэ өрөспүүбүлүкэҕэ 35 ойуур баһаар буола турар. Онтон аҕыс баһаары умулларыыга 380 киһи, 36 тиэхиньикэ үлэлиир.

Арассыыйа ЫБМ авиацията баһаарга үлэлиир күүһү улуустан улуустан көһөрүүгэ  29 көтүүнү оҥордо.

«АН-26 ууну кутар зондировщик-сөмөлүөт олус көдьүүстээх үлэни оҥордо — көтөр аал көмөтүнэн ардах хото түстэ», — диэн  вице-премьер анаан бэлиэтээтэ.

Елена ПОТОЦКАЯ, «Саха сирэ» хаһыат.

0
0