Ааспыт сууккаҕа Саха сиригэр 224 киһи коронавирустаата

Алтынньы 5 күнүнээҕи туругунан, Саха сиригэр эбии 224 киһи коронавируска сутулунна диэн СӨ Суһал ыстааба иһитиннэрэр:

— Дьокуускайга — 124 киһи;

— Мэҥэ Хаҥаласка, Чурапчыга — 10-нуу киһи;

— Нерюнгригэ — 8 киһи;

— Алдаҥҥа — 7 киһи;

— Ленскэйгэ, Мииринэйгэ, Хаҥаласка — 6-лыы киһи;

— Бүлүүгэ, Тааттаҕа — 5-тии киһи;

— Томпоҕо, Уус Алдаҥҥа — 4-түү киһи;

— Дьааҥыга, Намҥа, Өймөкөөҥҥө, Сунтаарга — 3-түү киһи;

— Аммаҕа, Булуҥҥа, Үөһээ Бүлүүгэ, Кэбээйигэ, Өлүөхүмэҕэ — 2-лии киһи;

— Аллайыахаҕа, Үөһээ Халымаҕа, Горнайга, Муомаҕа, Аллараа Халымаҕа, Ньурбаҕа, Уус Майаҕа — 1-дии киһи.

Суукка иһигэр өрөспүүбүлүкэ лабораториялара 1 382, пандемия саҕаланыаҕыттан 1 490 238 анаалыһы чинчийдилэр.

СИА хаартыската.