Бүтэһик күннэргэ өрөспүүбүлүкэ тоҕус оройуонугар коронавируска сутуллуу элбээбитэ бэлиэтэннэ диэн Ил Дархан Айсен Николаев суһал ыстаап мунньаҕар эттэ. Ол курдук, Алдаҥҥа, Нерюнгригэ, Мииринэйгэ, Сунтаарга, Бүлүүгэ, Уус Алдаҥҥа, Тааттаҕа, Хаҥаласка, Мэҥэ Хаҥаласка ыалдьыбыт дьон ахсаана элбээн иһэр.
Суһал ыстаап мунньаҕар оройуоннар баһылыктара кытыннылар. Ил Дархан баһылыктартан мааска эрэсиимин, дистанцияны тутуһууну күүскэ хонтуруоллууру ирдээтэ.
Айсен Сергеевич бэлиэтээн иһитиннэрбитинэн, ааспыт сууккаҕа Саха сиригэр 145 киһи коронавируска стулуллубут. Ол иһигэр 82 киһи Дьокуускайга ыалдьыбыт. Атырдьах ыйын устата сууккаҕа ыалдьыыга сутуллуу 150 киһи таһымыттан түһэ илик.
Бүгүҥҥү күҥҥэ реанимацияҕа 104 киһи, онтон 24 киһи ИВЛ-аапараакка холбонон, ыарахан туруктаах сытар.