Айылҕа харыстабыла Сүрүн

Ааспыт сууккаҕа үс ойуур баһаара бохсулунна

Бүгүн, бэс ыйын  19 күнүгэр, вице-премьер Дмитрий Садовников салайыытынан ыксаллаах быһыы-майгы суһал ыстаабын мунньаҕа ыытылынна.

Экология министиэристибэтин чахчыларынан, бүгүҥҥү туругунан өрөспүүбүлүкэҕэ 16 ойуур баһаарын умулларыыга үлэ ыытыллар. Ааспыт сууккаҕа үс баһаара бохсулунна.

Баһаары утары охсуһууга  1052 киһи уонна  100  техника, ол иһигэр  Ми-8 бөртөлүөт, Бе-200 сөмөлүөт үлэлиир.

Маны таһынан, Рослесхоз федеральнай саппааһыттан 318 киһи кэлэн көмөлөһө сылдьар.

Мунньах кэмигэр ойуур баһаардара турбут улуустарыгар олохтоох  баһылыктар улуустан ханна да барбаттарын туһунан этилиннэ.

Сүрүн болҕомто Сунтаар уонна Үөһээ Бүлүү улуустарыгар турбут баһаардарга ууруллар.  Билигин манна эбии күүстэри ыытарга үлэ ыытыллыахтаах.

 

 

edersaas.ru

0
0