Ааспыт сууккаҕа өрөспүүбүлүкэҕэ 20 киһи итирик туруктаах уруулга олорбут
Уһун өрөбүллэрбит бүтэллэрэ чугаһаата. ГИБДД үлэһиттэрэ анал рейдэ оҥорбуттарын түмүгэр, өрөспүүбүлүкэ үрдүнэн 20 киһи уруулга итирик туруктаах олорбуттара билиннэ уонна суол икки быһылаана тахсыбыт.
Итирик туруктаах суоппардар, биллэн турар, уолҕамдьы быһыыны оҥороллоро чуолкай. Холобур, Дьокуускайга сэтинньи 5 күнүгэр киэһэ 7 чаас саҕана Автострада 50 сылыгар уулуссаҕа биир суоппар тимир көлөтүнэн Тойота Спассио уонна Тойота-Суксид массыыналары таарыйбыт уонна атахха биллэрбит.
Тута кэнниттэн ДПС исписэлиистэрэ ир суолун ирдээн, Марха бөһүөлэгэр туппуттар. Куотуу төрүөтэ — итирик буолууттан. Бэрээдэги кэһээччигэ административнай боротокуол толоруллубутун түмүгэр, 30 тыһ. солк. ыстырааптанар уонна тимир көлөнү ыытар бырааба 2 сылга быһыллар.
edersaas.ru