Ааспыт сууккаҕа коронавирустан өрөспүүбүлүкэ 54 олохтооҕо үтүөрдэ

Ааптар: 
Бөлөххө киир:

Коронавирус дьаҥын бохсууга өрөспүүбүлүкэтээҕи суһал ыстаап иһитиннэрбитинэн, ааспыт сууккаҕа коронавирустан өрөспүүбүлүкэ 54 олохтооҕо үтүөрбүт.

Роспотребнадзор Саха сиринээҕи управлениетын дааннайынан, ааспыт сууккаҕа өрөспүүбүлүкэ үрдүнэн 48 киһи коронавирустаабытыттан 3 киһи балыыһаҕа эмтэнэ киирбит.  Итинтэн 47,9 % -на Дьокуускайга, 52,1 %-на улуустарга ыалдьыбыттара бэлиэтэммит. Ааспыт хонукка өрөспүүбүлүкэ лабораторияларыгар 1274 анал чинчийии ыытыллыбыт. Пандемия туруоҕуттан барыта 2402295 тест оҥоһуллубут.

Билиҥҥи туругунан Саха сиригэр быһыыны биэрии салҕанар. Бастакы компонены өрөспүүбүлүкэ үрдүнэн 639 724 киһи ылбыт. Ону тэҥэ, 168 583 киһи ревакцинацияны ааспыт.  Алдан, Дьааҥы, Горнай, Мэҥэ Хаҥалас, Мииринэй, Нам, Нерюнгри, Орто Халыма улуустарыгар уонна Дьокуускайга ревакцинацияны ааһыы тэтимэ бытаарбыт.  Өрөспүүбүлүкэтээҕи суһал ыстаап иммунитеты бөҕөргөтөр сыалтан быһыыны ыларга сүбэлиир-амалыыр.

+1
0
+1
0
+1
0
+1
0
+1
0
+1
0
+1
0