Авиалесоохрана чахчытынан, Саха сиригэр 119 ойуур баһаара баара бэлиэтэннэ. Ааспыт сууккаҕа онтон 309 тыһ. га иэннээх 22 баһаар бохсулунна.
РФ ЫБМ управлениетын Саха сиринээҕи салаатын пресс-сулууспата иһитиннэрбитинэн, уоту умулларыыга 3200 киһи уонна 567 тиэхиньикэ үлэлээтэ.
Өргөлөөххө, Үөдэйгэ, Орто Суртка, Мэлдьэхсигэ уонна Фрунзеҕа МЧС исписэлиистэрэ үлэлииллэр. Көтөр аал ааспыт сууккаҕа Уус Маайа, Уус Алдан, Хаҥалас улуустарыгар үлэлээтэ. Уопсайа 23 көтүүнү оҥорон, 132 туонна ууну ойуур баһаарын умулларыыга куттулар.
Елена ПОТОЦКАЯ, «Саха сирэ» хаһыат.
+1
+1
+1
+1
+1
+1
+1