Ааспыт сууккаҕа Аллараа Халымаҕа биир ойуур баһаара умуруоруллубутун туһунан СӨ экологияҕа миниистирин солбуйааччы, кылаабынай лесничей Андрей Коноплев иһитиннэрдэ.
Уус Маайаҕа, Булуҥҥа уонна Орто Халымаҕа үс ойуур баһаара эбии турбута биллибит, сүрүн төрүөт — этиҥтэн. Онон атырдьах ыйын 18 күнүн сарсыардааҥҥы туругунан Саха сирин үрдүнэн 12 ойуур баһаара умайар (Уус Маайаҕа 6, Орто Халымаҕа 3, Өймөкөөҥҥө, Өлүөхүмэҕэ, Булуҥҥа биирдии). Былырыын баччаларга 117 ойуур баһаара күөх дуолу мэҥиэстэрэ. Билигин Уус Маайаҕа уонна Өлүөхүмэҕэ 3 ойуур баһаара умуруоруллар. Барыта 597 киһи үлэлиир, 8 тиэхиньикэ көмөлөһөр. Бу сааскыттан Саха сирин үрдүнэн 522 ойуур баһаара турбута бэлиэтэммит, былырыын 1475 этэ.
+1
+1
+1
+1
+1
+1
+1