Бүгүҥҥү туругунан Саха сирин үрдүнэн 57 ойуур баһаара умайар. Нэһилиэнньэлээх пууннарга кутталы үөскэппэттэр.
Санатар буоллахха, былырыын баччаларга 181 ойуур баһаара күөх дуолу мэҥиэстэрэ. Ааспыт хонукка Алдаҥҥа,Үөһээ Бүлүүгэ, Нерюнгрига уонна Орто Халымаҕа сэттэ ойуур баһаара умуруоруллубут. Ону тэҥэ, Тааттаҕа уонна Томпоҕо икки баһаар бохсуллубут. Умуруорууга барыта 552 киһи үлэлиир уонна 26 тиэхиньикэ көмөлөһөр.
Бүгүн, от ыйын 24 күнүгэр, Уус Маайаҕа уонна Хабаровскайга АН-26 («Циклон) зондировщик-сөмөлүөт искусственнай ардаҕы ыҥыра көттө. Ону тэҥэ, «Росгидромет» ЯК-42Д диэн зондировщик-сөмөлүөтэ үлэлии көтөрө былааннаныллыбыт.
+1
+1
+1
+1
+1
+1
+1