Ааспыт суукка иһигэр 65 киһи коронавируснай инфекцияттан үтүөрдэ диэн суһал ыстаап иһитиннэрэр. 42 киһи ыалдьыбытыттан, 17 киһи балыыһаҕа киирбит. Дьокуускайга ыалдьыы 45,2 %, улуустарга — 54,8 %.
Бэс ыйын 9 күнүнээҕи туругунан, балыыһаҕа коронавируһунан ыалдьар 26,4 %-ра эмтэнэр, дьиэлэригэр —73,6 %.
Ааспыт суукка иһигэр 1901 анаалыс оҥоһуллубут, пандемия саҕаланыаҕыттан — 2 341 374 анаалыс.
Буоларын курдук, коронавируснай инфекцияттан быһыыны ылбатах дьон ыараханнык ыалдьаллар. Бүгүҥҥү күҥҥэ 631 844 киһи (улахан дьон 88,1%-ра) быһыы бастакы укуолун ылбыттар. 165 583 киһи хос быһыыны ылбыт, ол болдьохторо туолбут дьон 66%-на.
“122” нүөмэрдээх колл-кииҥҥэ суукка иһигэр 640 киһи эрийбит. Билигин ковидынан ыалдьар дьоҥҥо анаммыт 188 куойкаттан 20,7%-на кураанах турар.
Ангелина Васильева, “Саха сирэ” хаһыат, edersaas.ru
Хаартыска: СИА.