Ааспыт сууккаҕа 60 киһи анаалыһа бигэргэннэ

Ааптар: 
Бөлөххө киир:

Ил Дархан Айсен Николаев бүгүн сарсыардааҥҥы брифинигэр иһитиннэрбитинэн, ааспыт сууккаҕа 60 киһи анаалыһа бигэргэтиллэн, коронавируһунан сутуллубута билиннэ.

edersaas.ru

Ол курдук, Дьокуускайга — 40, улуустарга — 20 киһи ыалдьыбыт: 6 — Нерюнгригэ, 5 — Дьааҥыга, 3-түү киһи Аммаҕа уонна Ньурбаҕа уонна сорох улуустарга — биирдиилээн ыалдьыбыт дьон.

Дьокуускайга көрдөрүү биир тэҥинэн турар буоллаҕына, кэккэ улуустарга өрө тахсыы баар. Онон Дьааҥыга, Мииринэйгэ, Нерюнгригэ сыстыганнаах ыарыыны бохсууга кытаанах үлэ барар. Бүгүҥҥү туругунан 26  ыараханнык ыалдьар киһи баарыттан ИВЛ аппараатыгар 3 киһи холбонон сытар. Күҥҥэ 2,5-3 тыһыынча анаалыс оҥоһуллар. Көрдөрүү куһаҕана суох. Эрдэ ыалдьыбыт дьон анаалыстара бигэргэнэн, дьиэлэригэр эмтэниини ааһаллар, — диэн бэлиэтээтэ Ил Дархан Айсен Николаев.

Елена ПОТОЦКАЯ, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0