Айылҕа харыстабыла Сүрүн

Ааспыт сууккаҕа 60 ойуур баһаара умуруорулунна

СӨ бырабыыталыстыбатын бэрэссэдээтэлин бастакы солбуйааччы  Дмитрий Садовников ойуур баһаардарынан бүгүҥҥү брифинигэр, от ыйын 15 күнүнээҕи туругунан,  суукка устата 60 баһаар умуруоруллубутун, 14 баһаар бохсуллубутун туһунан иһитиннэрдэ.

Уоту утары охсуһууга 2 тыһыынчаттан тахса киһи, ол иһигэр федеральнай резервэттэн 689 исписэлиис уонна 300 техника үлэлиир. РФ ЫБММ уонна РФ Оборонаҕа министиэристибэтин хайысхатынан салгын суудуналара үлэлииллэр.

Бе-200 сөмөлүөт Сунтаар улууһугар үлэлээтэ. Уопсайа алта төгүл 40-тан тахса туонна ууну бырахта.

Маны таһынан Ил-76  сөмөлүөт Сунтаарга үлэлээн 84 туонна ууну бырахта.

Мииринэй Сүлдьүкээригэр балаһыанньа кытаатан, эбии күүстэр тиийдилэр.

Билиҥҥитэ Горнай улууһугар балаһыанньа тыҥааһыннаах.

Кэптиҥҥэ турбут баһаар ЛЭП ситимигэр тахсан, билигин оройуон интэриниэтэ суох олорор. Билигин сибээс үлэһиттэрэ үлэлииллэр диэн Дмитрий Садовников кэпсээтэ.

 

edersaas.ru

 

0
0