Ааспыт сууккаҕа 470 киһи үтүөрбүт

Бөлөххө киир:

Коронавируснай инфекцияны бохсор суһал ыстаап иһитиннэрбитинэн, ааспыт сууккаҕа 470 киһи үтүөрбүт. Оттон балыыһаҕа 43 киһи киирбит, 338 киһи ыалдьыбыт. Кинилэртэн 26,6%-ра – Дьокуускайга, 73,4% — улуустарга.

Муус устар 1 күнүнээҕи туругунан, балыыһаларга ыалдьыбыт дьон 16,7%-ра эмтэнэр, 83,3%-ра – дьиэҕэ олорон. “Роспотребнадзор” управлениета иһитиннэрбитинэн, “ковидынан” ыалдьыы 13%-на – “дельта” штаммы кытары ситимнээх, ол ыараханнык ыарытара биллэр.

Суукка иһигэр лабораториялар 3888 анаалыһы оҥорбуттар. Пандемия саҕаланыаҕыттан барыта 2 214 030 анаалыс оҥоһуллубут. Билиҥҥи туругунан, коронавируснай ыарыһахтарга анаан 895 куойка баарыттан, 35%-на туолан турар.

Коронавируснай инфекцияны утары быһыы бастакы укуолун 610 070 киһи ылбыт, ол улахан дьон 85,1%-ра буолар. Оттон быһыыны 153 094 киһи хос ылбыт.

Ангелина Васильева, “Саха сирэ” хаһыат, edersaas.ru

Хаартыска: sakhagov.ru

+1
0
+1
0
+1
0
+1
0
+1
0
+1
0
+1
0