Атырдьах ыйын 20 күнүгэр өрөспүүбүлүкэ үрдүнэн 46 киһи эбии коронавируһунан ыарыйда. Ол иһигэр, Дьокуускайга – 22 киһи. Ол туһунан вице-премьер Ольга Балабкина иһитиннэрдэ.
edersaas.ru
Нерюнгри, Мииринэй оройуоннарыгар ыарыы тарҕаныыта атын эрэгийиэннэртэн уоппускаттан кэлиини кытта сибээстээх. “Маннык балаһыанньа буолуохтааҕа сэрэйиллэр этэ, ол иһин кэлэр-барар дьону эрдэттэн кэтээн көрөн, хантаактара биллэн, хааччахтаныы эрэсиимигэр киирэн, ыалдьыбыт дьон эмтэнэллэр”, — диэн Ольга Валерьевна бэлиэтээтэ.
Ааспыт сууккаҕа Таатта, Бүлүү, Үөһээ Бүлүү улуустарыгар үстүү киһи ыарыйда. Манна дьиэ кэргэн бырааһынньыктарыгар мустуу төрүөт буолбут. Оттон Ньурба, Өлөөн, Нам, Абый, Хаҥалас, Уус Алдан улуустарыгар биирдии киһи ыалдьыбыт.
Суукка иһигэр коронавируска 2860 анаалыс оҥоһуллубут. Бу күҥҥэ өрөспүүбүлүкэҕэ барыта 352 440 анаалыс оҥоһуллубут.
Ангелина Васильева, “Саха сирэ” хаһыат, edersaas.ru
Хаартыска: интэриниэттэн.