Ааспыт сууккаҕа 194 киһи үтүөрбүт

Бөлөххө киир:

Муус устар 15 күнүгэр 169 киһи “ковидынан” ыалдьыбыт, 29 киһи балыыһаҕа киирбит (17,2%). “Роспотребнадзор” управлениета иһитиннэрбитинэн, ааспыт суукка иһигэр “ковидтан” 194 киһи үтүөрбүт.

Бүгүҥҥү туругунан, балыыһаҕа ыалдьыбыт дьон 18,2%-ра, дьиэлэригэр 81,8%-ра эмтэнэр. Суукка иһигэр 2964 анаалыс оҥоһуллубут. Пандемия саҕаланыаҕыттан барыта 2 248 194 анаалыс оҥоһуллубут.

Коронавируснай инфекцияны утары быһыыны ылбатах дьон ыараханнык ыалдьаллар. Билигин 615 162 киһи быһыыны ылбыт, ол улахан дьон 85,8%-гар тэҥнэһэр.

“Ковидка” анаммыт 607 куойка баарыттан, 22,1%-на кураанах турар. Өрөспүүбүлүкэ үрдүнэн 412 биригээдэ дьиэҕэ ыалдьа сытар дьоҥҥо көмөнү оҥороллор. “122” нүөмэргэ 1098 киһи эрийдэ диэн өрөспүүбүлүкэтээҕи суһал ыстаап иһитиннэрэр.

Ангелина Васильева, “Саха сирэ” хаһыат, edersaas.ru

Хаартыска: sakhagov.ru

+1
0
+1
0
+1
0
+1
0
+1
0
+1
0
+1
0