Атырдьах ыйын 1 күнүн сарсыардааҥҥы туругунан, Мэҥэ Хаҥаласка, Сунтаарга, Тааттаҕа, Ленскэйгэ, Өймөкөөҥҥө, Мииринэйгэ, Алдаҥҥа, Нерюнгрига, Уус Маайаҕа барыта 18 ойуур баһаара умуруоруллубут.
Күн бүгүн Саха сирин үрдүнэн барыта 96 ойуур баһаара күөх дуолу мэҥиэстэр, барыта 183984 гектардаах сири уот сиэбит. Ол курдук, Бүлүүгэ, Өймөкөөҥҥө, Муомаҕа, Мэҥэ Хаҥаласка, Уус Алдаҥҥа 1-дии, Сунтаарга, Үөһээ Бүлүүгэ, Орто Халымаҕа 2-лии, Ньурбаҕа, Томпоҕо 3-түү, Мииринэйгэ 4, Эдьигээҥҥэ 5, Нерюнгрига 13, Уус Маайаҕа 22, Алдаҥҥа 35 ойуур баһаардара бааллара биллэр. Былырыын баччаларга 164 ойуур баһаара умайара.
Билигин Алдаҥҥа, Бүлүүгэ, Үөһээ Бүлүүгэ, Мэҥэ Хаҥаласка, Мииринэйгэ, Нерюнгрига, Ньурбаҕа, Орто Халымаҕа, Сунтаарга, Уус Маайаҕа 21 ойуур баһаарын умулларыы барар. Үс баһаар бохсуллубут. Ааспыт сууккаҕа эбии 9 уот турбута биллибит. Уоту умуруорууга барыта 1300 киһи кыттарыттан 824-дэ парашютист-десаннар, 166-та ойуур сулууспатын үлэһиттэрэ, 71-рэ ЫБМ уонна ГПС үлэһиттэрэ уонна 239-һа доброволецтар. Барыта 121 тиэхиньикэ көмөлөһөр.