Доруобуйа

Ааспыт сууккаҕа 173 киһи ыарыйда

Бүгүн сарсыарда СӨ вице-премьера Ольга Балабкина төһө да өрөбүл күн буоллар, быһа эфиргэ тахсан брифинг ыытта. Ол курдук, балаҕан ыйын 19 күнүнээҕи туругунан, өрөспүүбүлүкэҕэ эбии  173 киһи коронавирустаабытын туһунан эттэ.

Балаһыанньа ордук Дьокуускай куоракка уонна Сунтаар улууһугар кытааппытын бэлиэтээтэ.  Дьокуускайга ааспыт сууккаҕа  102, Сунтаарга 12 түбэлтэ тахсыбыт.
Мэҥэ Хаҥаласка  — 6, Бүлүүгэ, Нерюнгрига, Ньурбаҕа, Тааттаҕа — 5-тии, Алдаҥҥа, Аммаҕа, Уус Алдаҥҥа —  4-түү, Мииринэйгэ,  Намҥа, Уус Маайаҕа, Хаҥаласка — 3-түү, Дьааҥыга — 2 итиэннэ Горнайга,  Кэбээйигэ, Ленскэйгэ, Өймөкөөҥҥө, Өлөөҥҥө, Орто Халымаҕа, Чурапчыга биирдии киһи ыалдьыбыт.

Суукка устата лабораториялар коронавируска  5 488 чинчийиини оҥорбуттар.

Ольга Балабкина өрөспүүбүлүкэҕэ санитарнай-эпидемиологическай балаһыанньа  кытааппытынан, бэйэни харыстана сылдьарга, вакцинаны ыларга сүбэлээтэ.

 

edersaas.ru

 

0
1