Ааспыт сууккаҕа өрөспүүбүлүкэ үрдүнэн 15 ойуур баһаара Алдаҥҥа, Нерюнгрига, Ньурбаҕа, Томпоҕо, Муомаҕа, Сунтаарга уонна Уус Маайаҕа умуруоруллубут.
Уус Маайа улууһугар эбии биир ойуур баһаара турбута биллибит. Онон бүгүҥҥү туругунан барыта 51 ойуур баһаара (Уус Маайаҕа 19, Алдаҥҥа 15, Эдьикээҥҥэ 4, Ньурбаҕа, Сунтаарга, Үөһээ Бүлүүгэ, Өймөкөөҥҥө 2-лии, Мииринэйгэ, Орто Халымаҕа, Нерюнгрига, Томпоҕо, Өлөөҥҥө 1-дии) күөх дуолу мэҥиэстэр. Былырыын баччаларга 155 ойуур баһаарар умайара. Билигин барыта Алдаҥҥа, Булуҥҥа, Үөһээ Бүлүүгэ, Эдьигээҥҥэ, Мииринэйгэ, Нерюнгрига, Ньурбаҕа, Өймөкөөҥҥө, Өлөөҥҥө, Орто Халымаҕа, Сунтаарга, Томпоҕо, Уус Маайаҕа барыта 11 ойуур баһаара умуруоруллар. Мантан алтата Алдаҥҥа, Үөһээ Бүлүүгэ, Мииринэйгэ, Сунтаарга, Томпоҕо уонна Уус Маайаҕа тохтотуллубут. Умуруорууга барыта 937 киһи үлэлиир уонна 59 тиэхиньикэ көмөлөһөр. Быйыл сааскыттан барыта 511 ойуур баһаара турбута бэлиэтэммит, былырыын 1360 этэ.