Саха сиринээҕи суһал ыстаап иһитиннэрбитинэн, ааспыт сууккаҕа 13 ойуур баһаара умуруоруллубут. Салгын аалынан хонтуруоллааһын түмүгүнэн эбии 4 баһаар турбута биллибит.
От ыйын 2 күнүнээҕи туругунан өрөспүүбүлүкэ үрдүнэн 39 ойуур баһаара умайар, 36830,4 гектар иэннээх сир былдьаныллыбыт. Итинтэн алтата бохсуллубут. Умуруорууга 401 киһи уонна 13 анал тиэхиньикэ кыттар. «Авиалесоохрана» «Циклон АН-26 диэн зондировщик-сөмөлүөтэ бүгүн Уус Маайа уонна Алдан оройуоннарыгар үлэлиэҕэ. Ааспыт күннэргэ Нерюнгри, Алдан уонна Өлүөхүмэ оройуоннарыгар этиҥнээх ардах кэлэн ааспыта биллэр.
Саха сиригэр бу сааскыттан 216 ойуур баһаара турбут, барыта 112731 гектар иэннээх сир былдьаныллыбыт. Ааспыт сылга бу кэмҥэ 770 ойуур баһаара турбут.
+1
+1
+1
+1
+1
+1
+1