Бүгүҥҥү туругунан Саха сирин үрдүнэн 147 ойуур баһаара күөх дуолу күл-көмөр оҥорор. Нэһилиэнньэлээх пууннарга уонна экэнэмиичэскэй суолталаах эбийиэктэргэ кутталы үөскэппэттэр диэн СӨ нэһилиэнньэҕэ куттал үөскээбэтин хааччыйар кэмитиэт салайааччыта Дмитрий Лепчиков иһитиннэрдэ.
Бүгүн сарсыардааҥы туругунан 14 улууска 48 ойуур баһаарын умуруоруу ыытыллар. Барыта 2040 киһи, 255 тиэхиньикэ үлэлиир. Ааспыт сууккаҕа барыта 12 баһаар умуоруллубут, 7 бохсуллубут уонна эбии 15 баһаар саҥа турбута биллибит.
РФ Ыксаллаах быһыыга-майгыга министиэристибэтин икки бөртөлүөтэ Хаҥалас уонна Кэбээйи улуустарыгар баһаары умуруорууга үлэлээтэ. Итини тэҥэ, РФ Оборуонаҕа министиэристибэтин анал көтөр ааллара Горнай, Ленскэй, Ньурба уонна Өлүөхүмэ улуустарыгар баһаары умуруорууга кытыннылар.
Кэбээйи улууһун Сииттэтэ уонна Үөһээ Бүлүү улууһун Кырыкыйа ураты хонтуруолга ылылыннылар.
edersaas.ru