Ааспыт сууккаҕа Саха сиригэр өссө 244 киһи коронавируска сутулунна, ол иһигэр 50 дьаҥы илдьэ сылдьар киһи баар диэн СӨ Суһал ыстааба иһитиннэрэр.
Дьокуускай куоракка 117 киһи ыарыйда.
Улуустарга:
— Өлүөхүмэҕэ — 27 киһи;
— Сунтаарга — 8 киһи;
— Бүлүүгэ — 7 киһи;
— Дьааҥыга, Мэҥэ Хаҥаласка, Уус Алдаҥҥа — 6-лыы киһи;
— Ленскэйгэ, Мииринэйгэ, Ньурбаҕа, Хаҥаласка — 5-тии киһи;
— Алдаҥҥа, Аммаҕа, Намҥа, Нерюнгрига, Өлөөҥҥө — 4-түү киһи;
— Өймөкөөҥҥө, Тааттаҕа, Томпоҕо, Уус Майаҕа, Усуйаанаҕа, Чурапчыга, Аллайыахаҕа, Үөһээ Бүлүүгэ, Кэбээйигэ, Анаабырга, Булуҥҥа, Эдьигээҥҥэ — 1-дии киһи.
Ааспыт сууккаҕа, хомойуох иһин, икки киһи тыына быһынна.
Өрөспүүбүлүкэ лабораторияларыгар бэҕэһээ 3 787 тест оҥоһуллубут. Дьаҥ туруоҕуттан 756 400 тесты быһаарбыттар.
edersaas.ru
Хаартыска — СИА.
+1
+1
+1
+1
+1
+1
+1