Ааспыт сууккаҕа Саха сиригэр коронавирустан икки киһи тыына быһынна

Саха сиригэр ааспыт сууккаҕа 37 киһи коронавирус дьаҥар сутуллубутун, 84 киһи этэҥҥэ үтүөрбүтүн уонна икки киһи тыына быстыбытын туһунан Суһал штаб иһитиннэрэр.

Ол курдук, 29 киһи — Дьокуускайга, 3 киһи — Дьааҥыга, биирдии киһи Үөһээ Бүлүүгэ, Ленскэйгэ, Мииринэйгэ уонна икки киһи Мэҥэ Хаҥаласка ыалдьыбыта биллибит. Ыарыһахтары госпитализациялаабыттар, хантаактаахтар быһаарыллыбыттар, хааччахтаммыттар.

Дьаҥ туруоҕуттан Саха сиригэр 4504 киһи ыарыйда, онтон 3548 киһитэ Дьокуускайга сутуллубут.

Ааспыт сууккаҕа өрөспүүбүлүкэ лабораторияларыгар 1098 тест быһаарылынна.

edersaas.ru