Ааспыт сууккаҕа Саха сиригэр өссө 191 киһи коронавируска сутулунна, ол иһигэр 35 дьаҥы илдьэ сылдьар киһи баар диэн СӨ Суһал ыстааба иһитиннэрэр.
Дьокуускай куоракка 104 киһи ыарыйда.
Улуустарга:
— Алдаҥҥа, Мэҥэ Хаҥаласка — 8-тыы киһи;
— Бүлүүгэ — 7 киһи;
— Нерюнгрига, Ньурбаҕа, Өлүөхүмэҕэ — 6-лыы киһи;
— Намҥа, Ленскэйгэ, Чурапчыга — 5-тии киһи;
— Сунтаарга, Тааттаҕа — 4-түү киһи;
— Анаабырга, Дьааҥыга, Горнайга — 3-түү киһи;
— Аллайыахаҕа, Булуҥҥа, Эдьигээҥҥэ, Өймөкөөҥҥө, Уус Алдаҥҥа — 2-лии киһи;
— Кэбээйигэ, Өлөөҥҥө, Усуйаанаҕа, Хаҥаласка — 1-дии киһи.
Ааспыт сууккаҕа, хомойуох иһин, икки киһи тыына быһынна.
Өрөспүүбүлүкэ лабораторияларыгар бэҕэһээ 4 265 тест оҥоһуллубут. Дьаҥ туруоҕуттан 640 165 тесты быһаарбыттар.
edersaas.ru
Хаартыска — СИА.
+1
+1
+1
+1
+1
+1
+1