Маны аах Уопсастыба

Ааспыт нэдиэлэҕэ 616 рейдэ оҥоһулунна

От ыйын 5-11 күннэригэр атыы-эргиэн кииннэригэр уонна араас өҥөлөрү оҥорор тэрилтэлэргэ санитарнай ирдэбили бэрэбиэркэлиир рейдэлэр ыытылыннылар.

Бу туһунан от ыйын 12 күнүгэр бырабыыталыстыба вице-премьерэ Михаил Никифоров иһитиннэрдэ.  Хонтуруолунай тэрээһиннэр өрөспүүбүлүкэ 11 оройуонугар уонна куорат уокуруктарыгар ыытылыннылар. Ол курдук Алдан, Кэбээйи, Нам, Өймөкөөн, Өлүөхүмэ, Таатта, Томпо, Уус Алдан, Хаҥалас улуустарыгар, Жатай бөһүөлэгэр уонна Дьокуускай куоракка. Бэрэбиэркэ түмүгүнэн, 6 дьыала хамыыһыйа көрүүтүгэр киллэрилиннэ уонна  20 административнай быраабыланы кэһии боротокуола, икки сэрэтии оҥоһулунна. Суукка 28 административнай дьыала ыытылынна, суутунан 32 дьыала көрүлүннэ, 300 профилактическэй бэсиэдэ оҥоһулунна.

Дьокуускай куорат суһал ыстаабын бөлөҕүнэн уонна Урбаан, атыы уонна туризм министиэристибэтинэн 296 бэрэбиэркэ уопсайа 264 атыы-эргиэн эбийиэгэр ыытылынна. Үс сынньалаҥ кииҥҥэ, 25 уопсастыбаннай аһылык, алта өҥөнү оҥорор тэрилтэҕэ уопсайа 9 боротокуол оҥоһулунна.

От ыйын 1 күнүттэн «Судаарыстыбаннай уонна муниципальнай хонтуруол» (нодзуор)  диэн Федеральнай  сокуон күүһүгэр киирдэ. Сокуон бырайыагынан хонтуруоллуур саҥа бэрээдэк олохтонно. СӨ Роспотребнадзорун управлениета манан ситимнээн хонтуруолунай тэрээһиннэри тохтотто.

 

Ульяна Захарова, edersaas.ru

0
0