Сүрүн Уопсастыба

Ааспыт күннэргэ өрөспүүбүлүкэҕэ 420 рейдэ ыытылынна



СӨ Бырабыыталыстыбатын бэрэссэдээтэлин солбуйааччы Михаил Никифоров иһитиннэрбитин, кулун тутар 15-21 күннэригэр өрөспүүбүлүкэ үрдүнэн 420 рейдэ ыытыллыбыт. Хонтуруоллуур тэрээһиннэр Алдан, Кэбээйи, Ленскэй, Мэҥэ Хаҥалас, Мииринэй, Орто Халыма, Таатта, Уус Майа оройуоннарыгар уонна Дьокуускай куоракка буолбуттар.

«Барыта 8 быһаарыы, 60 сэрэтии, 4 ыйыы, 13 административнай быраабы кэһии боротокуола толорулунна. Суукка 13 дьыала көрүллүөҕэ, 14 дьыала номнуо сууттанна, итиэннэ 293 профилактическай хабааннаах кэпсэтии ыытылынна», — диэн Михаил Никифоров эттэ.

Вице-премьер иһитиннэрбит дааннайдарынан, Дьокуускай административнай хамыыһыйата, Урбаан министиэристибэтэ, Роспотребнадзор Саха сиринээҕи управлениета барыта 219 бэрэбиэркэни ыыппыттар. Ол иһигэр 204 атыы-эргиэн эбийиэгэ, 7 уопсастыбаннай аһыыр сир, биир сынньалаҥ киинэ, алта өҥөнү оҥорор тэрилтэ, биир фитнес-киин баар. Онно холбоон 60 сэрэтиини биэрбиттэр, дьаҥ утары эбии үлэлэри ыыталлалларыгар 4 ыйыыны оҥорбуттар, 196 профилактическай кэпсэтиини ыыппыттар.

Ил Дархан уонна Бырабыыталыстыба пресс-сулууспата.

Мария Васильева хаартыската.

0
0

Добавить комментарий