Кулун тутар 11 күнүнээҕи туругунан, Саха сиригэр 419 киһи коронавируска сутулунна диэн СӨ Суһал ыстааба иһитиннэрэр. Балартан 72 киһи балыыһаҕа киирбит, ол аата ыалдьыбыттартан — 17,2%.
Сутуллуу 20,8% Дьокуускайга бэлиэтэммит, улуустарга — 79,2%. Коронавирустаабыт дьон 11,4% балыыһаҕа киирбит, дьиэтиттэн 88,6% ыарыһах эмтэнэр.
Аааспыт күҥҥэ 1 627 киһи үтүөрбүтэ чахчыламмыт.
COVID-19 ыарыы 20% билигин даҕаны «дельта» штамм нөҥүө тарҕанар, бу штамм ордук ыараханнык ааһар. Билигин бары улаханнык ыалдьыы түгэннэрэ быһыыны ылбатах дьоҥҥо көстөр.
Быһыы маҥнайгы компоненынан өрөспүүбүлүкэҕэ 601 311 киһи быһыыны ылбыт. (Саха сирин үлэлиир саастаах дьонун 83,9%)
Ревакцинацияны 147 373 киһи ааспыт, бу хаттаан вакцинаны ылар больдьоҕо кэлбит дьонтон 61,7% бырыһыана.
Ревакцинация тэтимэ мөлтөхтүк барара Алдаҥҥа, Мэҥэ Хаҥаласка, Нерюнгригэ, Өймөкөөҥҥө уонна Дьокуускайга бэлиэтэнэр.
Быраастар хаттаан быһыыны ылан иммунитеты бөҕөргөтүнэргэ ыҥыраллар.
«Саха сирэ» хаһыат, edersaas.ru
Хаартыска sakha.gov.ru