Ааспыт хонукка 605 киһи үтүөрбүт

Ааптар: 
Бөлөххө киир:

Өрөспүүбүлүкэтээҕи суһал ыстаап иһитиннэрбитинэн, ааспыт хонукка Саха сирин үрдүнэн 605 киһи коронавирустан үтүөрбүт. 

Ааспыт хонукка 658 киһи ыалдьыбытыттан 30-та балыыһаҕа киирбит. Балаҕан ыйын 31 күнүнээҕи туругунан ыалдьыбыт дьонтон 5,1 %-на балыыһаҕа,  94,9 %-на амбулаторнай усулуобуйаҕа эмтэнэллэр. Ыарыы ордук быһыыны ылбатах дьоҥҥо ыараханнык киирбит. Ааспыт сууккаҕа өрөспүүбүлүкэ бары лабораторияларыгар 4082 чинчийии ыытыллыбыт, пандемия саҕаланыаҕыттан  2 499 544 тиэс оҥоһуллубут.

Бүгүҥҥү туругунан Саха сирин үрдүнэн  662 611 киһи быһыы бастакы кэмпэниэнин ылбыт. Ревакцинацияны 178 084 киһи ааспыт.  Алдаҥҥа, Дьааҥыга, Горнайга, Кэбээйигэ, Мэҥэ Хаҥаласка, Орто Халымаҕа уонна Дьокуускайга ревакцинацияны ааһыы мөлтөх. Онон  өрөспүүбүлүкэтээҕи суһал ыстаап быһыыны ыларга сүбэлиир. Ааспыт хонукка колл-киин «122» диэн нүөмэригэр 728-та эрийэн билсибиттэригэр, сөптөөх хоруй бэриллибит. Доруобуйа харыстабылын «итии лииньийэтигэр» 161-дэ эрийэн кэлэн, кэккэ ыйытыылары биэрбиттэр.

+1
0
+1
0
+1
0
+1
0
+1
0
+1
0
+1
0