Бу күннэргэ Арассыыйа аармыйатын кэккэтигэр сулууспалара түмүктэнэн, Саха сирин ыччаттара төрөөбүт дойдуларыгар төннөн эрэллэр.
edersaas.ru
«Саллааттар ийэлэрин кэмитиэтэ» эригийиэннээҕи уопсастыбаннай тэрилтэ салайааччыта Мария Емельянова СИА-ҕа иһитиннэрбитинэн, быйыл саас 1200 саллаат демобилизацияланан дойдутугар кэлиэхтээх.
Аан дойдуга барытыгар коронавирус сыстыганнаах дьаҥа турбутунан сибээстээн, аармыйаттан төннөн эрэр ыччаттар, син эмиэ атын эригийиэнтэн айаннаан кэлэр дьон кэриэтэ, 14 күн устата обсерваторга киирэн эбэтэр дьиэлэригэр олорон, ханна да тахсыбакка олоруохтаахтар.
Дойдуларын төһө да ахтан кэллэллэр, ыччаттар тустаах ирдэбили кытаанахтык тутуһарга бэлэмнэр. Кылаабынайа, төрөөбүт дойдуларыгар кэлэр буоллахтара.
Елена ПОТОЦКАЯ, «Саха сирэ» хаһыат, edersaas.ru
Хаартыска: СИА
+1
+1
+1
+1
+1
+1
+1