Уопсастыба

Аармыйаҕа сылдьар саллааттар Украинаҕа барбаттар

Аармыйаҕа сулууспалыы сылдьар саллааттар Украинаҕа анал байыаннай операцияҕа кыттыбаттар. Бу туһунан Ил Дархан Айсен Николаев быһа эпиирин кэмигэр иһитиннэрдэ.

Быһа эпиир кэмигэр Украинаҕа срочнай сулууспаҕа сылдьар саллааттары ыытыахтарын сөп дуо диэн ыйытыыга хоруйдаан, Айсен Сергеевич: “Срочнай сулууспаҕа сылдьар саллааттар анал байыаннай операция буола турар сиригэр барбаттар. Бу туһунан РФ бэрэсидьиэнэ Владимир Путин да этэн турар. Аармыйаҕа сулууспалыы сылдьар уолаттарбыт Украинаҕа анал байыаннай операцияҕа суохтар”, – диэн иһитиннэрдэ.

Айсен Николаев манна даҕатан оҕо кыра эрдэҕиттэн дойдутугар бэриниилээх буола улаатыахтааҕын, манна оҕо саадыттан саҕалаан иитии барыахтааҕын эттэ. Билигин бары оскуолаларга дойду өрөгөйүн ырыатын үөрэнээччилэр тиһигин быспакка ыллыыллар.

Ил Дархан быһа эпиирин кэмигэр биир чаас иһигэр 70-тан тахса ыйытыы киирдэ. Дьон-сэргэ үксүн тырааныспар, суол-иис, доруобуйа харыстабылын, предпринимательство, социальнай чэпчэтиилэр, о.д.а. тустарынан ыйыталлар.

Аграфена КУЗЬМИНА

0
0
Telegram @edersaas20