Бэрээдэк Маны аах

Ойуур баһаарын бохсууга, айылҕа харыстабылыгар сыһыаннаах элбэх ыйытыы киирдэ

Евгений Перфильев ыйытыыларга хоруйдаата.

Бүгүн, олунньу 5 күнүгэр, «Саха» НКИХ, «Якутия24» ханаалларга, «Тэтим» араадьыйаҕа СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников, ОДьКХ уонна энергетикэ миниистирэ Вячеслав Емельянов, тырааныспар уонна суол хаһаайыстыбатын миниистирэ Владимир Сивцев, экология миниистирин э.т. Евгений Перфильев, нэһилиэнньэ олоҕор-дьаһаҕар куттал суох буолуутун хааччыйыыга судаарыстыбаннай кэмитиэт бэрэссэдээтэлэ Дмитрий Лепчиков, уо.д.а. нэһилиэнньэҕэ ааспыт сыллааҕы үлэни-хамнаһы отчуоттаатылар.
СӨ Экология миниистирин э.т. Е.Перфильевкэ биэрии саҕаланыаҕыттан тулалыыр эйгэни харыстааһын тиэмэтигэр, чуолаан ойуур баһаардарын таһаарбат туһуттан эрдэттэн бэлэмнэниигэ, ойуур баһаардарын умуруорууга төлөбүр, уу ылар сирдэрин туһунан, булт болдьоҕор, ураты харыстанар сири сайыннарыыга, о.д.а. ыйытыылар киирдилэр.
Евгений Перфильев ыйытыыларга хоруйдууругар, ойуур баһаардара тураннар ааспыт сайын уустук буолбутун бэлиэтээтэ. Кини манна даҕатан, ойуур баһаарыттан кутталлаах кэмҥэ бэлэмнэниигэ уонна ону туоратыыга Ил Дархан бигэргэппит биир кэлим былаана ылыллыбытын эттэ.
Кини бастатан туран үлэ күүһүрдүллүбүтүн, аэромобильнай бөлөх тэриллибитин, былыттары түмэн ардаҕы түһэрэргэ көмөлөһөргө аналлаах тэриллэр салгын аалларыгар ылыллан туруоруллубуттарын, о.д.а. элбэҕи эттэ.
Маны сэргэ, 2021 сылга эрэгийиэн суолталаах «Алроса-Rangifer-Чекановскай» ресурсалаах резерват — айылҕа ураты харыстанар сирэ баар буолбутун бэлиэтиир суолталаах.
Үлэ-хамнас отчуотун билиһиннэрии кэмигэр уопсайа 120-тэн тахса ыйытыы киирдэ. Быһа биэрии кэмигэр хоруйу ылбакка хаалбыт ыйытыылар тустаах министиэристибэлэргэ бэриллибиттэрин туһунан Экология министиэристибэтин пресс-сулууспата иһитиннэрэр.
0
0
Telegram Whatsapp