Ааптардыын  бииргэ үлэлииргэ эрэллэрин биллэрдилэр

Бөлөххө киир:

СӨ  Национальнай  бибилэтиэкэтин  национальнай-кыраайы үөрэтэр пуондата өссө биир интэриэһинэй уонна дэҥҥэ көстөр кинигэнэн эбилиннэ.

edersaas.ru

«За образцовую работу в органах здравоохранения награждаются…» диэн бэйэтин кинигэтин  бибилэтиэкэҕэ СӨ доруобуйа харыстабылын устуоруйатын чинчийээччи, бэйиэт, мэдиссиинэ наукатын доктора, Арассыыйа Суруналыыстарын,  СӨ Суруйааччыларын сойуустарын чилиэнэ Валериан Николаев бэлэхтээтэ.
Ааптар бу кинигэтин САССР төрүттэммитэ 100 сылыгар анаабыт. Өрөспүүбүлүкэ сайдыытын түһүмэхтэриттэн биирдэстэрин — «XV лет SASSR» түөскэ анньыллар значок бигэргэниитин, оҥоһуллуутун туһунан бэрт дьикти матырыйаалларынан кэпсиир.
Бибилэтиэкэ үлэһиттэрэ иһитиннэрбиттэринэн,  Валериан Парфеньевич хас эмэ сыллар тухары бибилэтиэкэ бэриниилээх ааҕааччытынан буолар. Национальнай бибилэтиэкэ кэлэктиибэ, чуолаан национальнай уонна кыраайы үөрэтэр пуонда хааччыйар отделын үлэһиттэрэ, суруйааччыга махталларын уонна инникитин да бииргэ үлэлииргэ эрэллэрин биллэрдилэр.

Надежда ЕГОРОВА, «Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0