Ааптар кинигэтэ хараҕа суохтарга анаан бэчээттэнэр буолуоҕа

Бөлөххө киир:

Бэс ыйын 7 күнүгэр Судаарыстыбаннай дуума Гражданскай кодекска көннөрүүлэри ылынна. Бу көннөрүүлэр харахтарынан мөлтөх дьоҥҥо литература айымньытын анал көрүҥүнэн бэчээттиир кыаҕы биэрэллэр.

Ол эбэтэр ханнык баҕарар ааптар айымньыта кини көҥүлэ суох уонна киниэхэ төлөбүр оҥорбокко туран хос бэчээттэнэр буолуоҕа. Арай ааптар аата ыйыллара булгуччулаах.

Көрбөт эбэтэр мөлтөхтүк көрөр дьоҥ анал бибилэтиэкэлэрэ  итинник кинигэлэри быстах кэмҥэ уларсар бырааптаныахтара.

РФ премьер-миниистирэ Михаил Мишустин соторутааҕыта   доруобуйаларыгар хааччахтаах дьон ураты болҕомтоҕо наадыйалларын туһунан эппитэ. Кини көрбөттөр уонна мөлтөхтүк көрөр дьон элбэх научнай, уус-уран уо.д.а. бэчээти ааҕаллара табыгастаах буоларыгар ааптар быраабын туһунан сокуоҥҥа тустаах хааччахтааһыннары устар наадатын ыйда.

Надежда ЕГОРОВА, «Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0