Маны аах Уопсастыба

Аанньаахха 41 тыһыынчаттан тахса быраҥаатта ыамата ыытылынна

Мииринэй оройуонугар ууга балыгы үөскэтиинэн тэрээһин ыытылынна.

Бу туһунан «Газпром недра» хампаанньа иһитиннэрэр. Ол курдук, Аанньаах өрүскэ 41 тыһыынчаттан тахса балык ыамата ыытыллыбыт. Быраҥаатталары хампаанньа Чернышевскайдааҕы балык собуотугар үлэспит.
Ууга собуот исписэлиистэрэ балыктааһыҥҥа федеральнай ааҕыныстыба Илин-Сибиирдээҕи управлениетын уонна «Газпром недра» ХЭУо хонтуруолунан балык ыамаларын ыыттылар.
Балык ыамаларын Аанньаах өрүскэ диэри уу үрдүгэр дагдайан сытар уонна уу температуратын тутар анал бакыаттарга аҕаллылар. Итинник эрэ гыннахха балык саҥа сиргэ туох да буолбат диэн иһитиннэрэллэр.
Исписэлиистэр Аанньаах усулуобуйата балык ыаматыгар үчүгэйин бэлиэтээбиттэр. Манна балыктар сыыйа үөрэнэн ыраата устан барыахтара, Бүлүү водохранилищетыгар тиийиэхтэрэ. Манна даҕатан эттэххэ, бултанар балык саппааһын элбэтии олохтоох нэһилиэнньэҕэ суолталаах диэн эбэн этэллэр.
Биһиги бу тэрээһининэн эрэгийиэҥҥэ айылҕа харыстабылыгар кылааппытын киллэристибит диэн  «Газпром недра» хампаанньа бэлиэтиир.
0
0