Аанньаах Хочотугар ураты арт-тутууну туруордулар

Ааптар: 
Бөлөххө киир:

Өлүөхүмэ улууһун уонна Өлүөхүмэ куорат үбүлүөйдээх сылларынан, Арассыыйа күнүнэн ат быһыылаах мас арт-эбийиэги тутан бүтэрдилэр.

edersaas.ru

Ат үлэһит, киһи доҕорун, былыр-былыргыттан дьону аһатан олорбут, таһаҕасчыт, сир хорутааччы уонна уу таһааччы быһыытынан күүстээх, дьиэ кэргэн номоҕун курдук үйэлэргэ умнуллубат өйдөбүллээх. Тутуу араас кээмэйдээх буруус мастан оҥоһуллубут. Ураты көстүүлээх ат элбэх пикселтэн таҥыллыбыт кэриэтэ көстүүлээх. Архитектордар быһыытын-таһаатын табатык көрдөрбүттэр. Маннык ураты арт-эбийиэк өрөспүүбүлүкэҕэ ханна даҕаны суоҕун бэлиэтиир тоҕоостоох.

Эриэккэс арт-эбийиэк дизайнын кылаабынай архитектор Юрий Яроев кыттыылаах “Уран” дизайн-устуудьуйа ХЭУо оҥорбут. Идиэйэни талааннаах скульптордар Николай Дмитриевич уонна Егор Гаврильевич Огонеровтар олоххо киллэрбиттэр. Мас скульптура олоҕун оҥорорго “Гипсовай рудник” ХЭУо (генеральнай дириэктэр Т.Г.Залесскай), ИП Варданян Т.Р., “Лидер” КСК ХЭУо (генеральнай дириэктэр Д.М.Гаврильев, дириэктэри солбуйааччы Д.А.Осипов), ИП Хамберян С.А. кылааттарын киллэрсибиттэр.

Өлүөхүмэ улууһун пресс-сулууспата.

+1
0
+1
0
+1
0
+1
0
+1
0
+1
0
+1
0