Владимир Путин бүгүҥҥү пресс-кэмпириэнсийэтигэр «Ковид саҥа долгуна тугу кытта сибээстээҕий?» диэн ыйытыыга бэрэсидьиэн хардата маннык буолла:
— Хардата олус судургу. Саҥа штамм доруобуйа харыстабылын систиэмэтэ уонна ыарыыны утары охсуһар күүстэрэ мөлтөх дойдуларга үөскүүр. Онно киһи соһуйара суох. Ол иһин, ыарыыны утары быһыылары төһө кыалларынан түргэнник аан дойдуга тарҕатыахтаахпыт уонна ылыахтаахпыт. Итинтэн атыннык киһи аймах сүҥкэн кыһалҕатын туоратар уонна сүтүк ахсаанын аҕыйатар кыах суох. Биһиэхэ бэл, «наһаа элбэх өлүү» диэн тиэримин баар буолла -– иэдээн!
Биһиэхэ күргүөм иммунитеппыт намыһах -– 59,4 бырыһыан. Оттон ыаллыы дойдулар этэллэринэн, 90-95 бырыһыан буолуохтаах. Түмүк көрдөрүү итиннэ сытар. Биһиги атын суолунан барыахтаахпыт: дьон быһыыны ыларга араас санаалааҕын да иһин, кинилэргэ ытыктабыллаахтык сыһыаннаһыахтаахпыт уонна тулуурдаахтык быһаарыахтаахпыт.
Надежда ЕГОРОВА, «Саха сирэ», edersaas. ru