Култуура Маны аах

Аан дойдутааҕы быыстапкаҕа Уус Алдан уустарын оҥоһуктара үрдүктүк сыаналанна



Уус Алдан улууһун Бэрт Ууһун тимир уустара «Клинок- традиции и современность» быыстапкаҕа  ситиһиилээхтик кытыннылар. Бу туһунан улуус дьаһалтатын пресс-сулууспата иһитиннэрдэ.

Быыстапка муус устар 1-4 күннэригэр Москваҕа ыытылынна. Тэрээһиҥҥэ 12 эрэгийиэнтэн 180 маастар кытынна.  Саха сириттэн 8 маастар, ол иһигэр Уус Алдан улууһуттан 4 маастар кыттыыны ылла.

«Тэрээһин үрдүк таһымнаахтык ыытылынна. Биһиги атын эрэгийиэннэр маастардарын кытары билистибит, уопут атастастыбыт.  Быыстапкаҕа саха быһахтарын көрдөрдүбүт. Көрөөччүлэр олус сэҥээрдилэр, элбэх быһаҕы атыыластылар”-  диэн маастар Илларион ПОПОВ кэпсээтэ.

Илларион Егорович  ПОПОВ  анал дипломунан наҕараадаланна. Оттон  Афанасий ШЕПЕЛЕВ быһаҕа «Национальнай нож» номинацияҕа үһүс миэстэни ылла. Аны «Авторский нож» номинацияҕа Афанасий быһаҕа муҥутуур кыайыылааҕынан буолла диэн Уус Алдан улууһун дьаһалтатын пресс-сулууспата иһитиннэрдэ.

edersaas.ru

Хаартыска: https://www.instagram.com/

0
0