Аан дойдуга доруобуйаны харыстыыр тэрилтэ (ВОЗ) биллэрэринэн, кулун тутар 30 күнүгэр аан дойду үрдүнэн коронавируска сыстыбыт дьон ахсаана 693,8 тыһыынча буолбут. Джонс Хопкинс университетын көрдөрүүлэринэн 826 тыһыынча киһи сүһүрбүт, онтон 174 тыһыынча киһи үтүөрбүт.
Саамай элбэх киһи Америка Холбоһуктаах Штаттарыгар ыалдьыбыт (174,4 тыһ. киһи). Иккис миэстэҕэ Италия турар (105,7 тыһ. киһи), онтон Испания үһүс миэстэҕэ (94,4 тыһ. киһи). Ыарыы саҕаламмыт дойдутугар, Кытайга, ыарыы тарҕаныыта лаппа намтаан турар, билигин 82,2 тыһыынча киһи сүһүрбүтэ биллэр. Европа икки сүрүн дойдуларыгар Германияҕа (68,1 тыһ. киһи) уонна Францияҕа (45,5 тыһ. киһи) балаһыанньа билигин даҕаны ыарахан.
Егор Карпов, «Саха сирэ» хаһыат.
Хаартыска: интэриниэттэн
+1
+1
+1
+1
+1
+1
+1