Бүгүн аан дойдуга оҕо кинигэтин күнэ.
Итиэннэ бүгүн Дания улуу суруйааччыта Ганс (Ханс) Христиан Андерсен ( 1805 с.) төрөөбүт күнэ. Кини аатын аан дойдуга билбэт киһи диэн суоҕа чахчы. Андерсен «Гадкий утенок», «Дюймовочка», «Стойкий оловянный солдатик», «Оле-Лукойе», «Принцесса на горошине», «Снежная королева», о.д.а. остуоруйаларыгар бары да бигэнэн улааттаххыт, умсугуйан аахтаххыт. Хайдахтаах үчүгэй остуоруйаларый?! Дьону-сэргэни, айылҕаны, олоҕу таптыырга, аһыныгас санаалаах, эйэҕэс буоларга, кыраҕа-кыаммакка көмөлөһөргө сирдиир, уһуйар суруйуулар.
Онон Аан дойдуга оҕо кинигэтин күнүн улуу остуоруйаһыт төрөөбүт күнүгэр сөп түбэһиннэрэн, Оҕо кинигэтин аан дойдутааҕы Сэбиэтэ 1967 сыллаахха биллэрбит. Онтон ылата бибилэтиэкэлэр, кинигэ бэчээттээн таһаарар кыһалар, оҕо тэрилтэлэрэ тэрээһин бэртээхэйин тэрийэр үтүө үгэстэммиттэр.
Төрөппүттэр, кырачааннаргытыгар остуоруйалары ааҕыҥ, кэпсээҥ. Оҕоҕут ааҕар буоллаҕына, кыттыһыҥ, көмөлөөҥ, оруолларынан үллэстиҥ. Остуоруйа дьоруойдарын уруһуйдатыҥ, бииргэ уруһуйдааҥ, араас оонньуута толкуйдаан тэрийиҥ.
Хаартыскалар: litres.ru, grozny-inform.ru