Джон Хопкинс аатынан университет түмэр чахчыларынан бу нэдиэлэҕэ коронавирустан өлбүт дьон ахсаана 2 мөлүйүөнтэн таҕыста.
edersaas.ru
Сутуллубут дьон ахсааана 100 мөлүйүөҥҥэ чугаһаабыт, 94 мөлүйүөн кэриҥэ киһи. Ордук элбэх ыалдьыбыт киһилээх дойдунан ааспыт сыл сааһыттан АХШ буолар. Манна аан дойду коронавирустаабыт дьон ахсааныттан чиэппэрэ олорор — 23,5 млн. Иккиһинэн Индия (10,5 млн.), үсүһүнэн Бразилия (8,3 млн.), төрдүһүнэн Арассыыйа, (3,5 млн.), бэсиһинэн Великобритания (3,3 млн.) тураллар. 2 мөлүйүөнтэн тахса сутуллубут дьонноох дойдуларга Франция, Турция, Италия, Испания уонна Германия киирэллэр. Оттон ыарыы туруоҕуттан 51,7 млн киһи ыарыыттан өрүттүбүтэ биллэр. Коронавирустан маассабай быһыы улахан дойдуларга барыларыгар кэриэтэ бу күннэргэ биллэрилиннэ.
«Саха сирэ» хаһыат, edersaas.ru