Аан дойдуга 5,9 мөлүйүөн киһи коронавируска сутулунна

Доруобуйа харыстабылын аан дойдутааҕы тэрилтэтин (ВОЗ) чахчыларынан, аан дойдуга коронавируснай инфекциянан ыалдьыбыт дьон ахсаана 5,9 мөл. киһини аһарда. Ыарыыттан барыта 367 тыһ. тахса киһи өлбүт.

edersaas.ru

Джонс Хопкинс университетын сыыппараларынан, коронавирус дьаҥыттан саамай эмсэҕэлээбит дойдунан АХШ буолар, онно бэҕэһээҥҥи көрдөрүүнэн 1,79 мөл. тахса киһи ыарыыга хаптарбыт. Ыалдьыбыт дьон ахсаанынан Бразилия иккис миэстэҕэ (514 тыһ.), Россия — үһүс (414,4 тыһ.), Великобритания — төрдүс (276 тыһ.), Испания — бэһис миэстэҕэ (239,4 тыһ.) тураллар.