Олунньу 21 күнүгэр ВОЗ чахчыларынан, аан дойду үрдүнэн 418 мөлүйүөн киһи ыалдьыбыт. Өлбүт дьон ахсаана 5,8 мөлүйүөнтэн тахсыбыт.
Ыарыы күүскэ тарҕаммыт дойдуларын испииһэгэ уларыйбат. Бастакы Америка Холбоһуктаах Штаттара турар. Манна 77,5 мөлүйүөн киһи ыалдьыбыт. Оттон Индияҕа — 42,7 мөлүйүөн киһи, Бразилияҕа — 27,8 мөлүйүөн киһи, Францияҕа – 21,4 мөлүйүөн киһи, Великобританияҕа – 18,5 мөлүйүөн киһи.
Арассыыйа бу испииһэккэ алтыс миэстэҕэ турар, ааспыт күн туругунан дойдуга барыта 15,5 мөлүйүөн киһи коронавирустаабыт.
Великобритания олохтоохторо 95 саастаах ыраахтааҕылара Елизавета II COVID-19 ыарыыга сутуллубутун долгуйа иһиттилэр. Ол эрээри кырдьаҕас монарх ыарыыны чэпчэкитик уйунарын туһунан биллэрии таһааран британецтары уоскуппут.
Израильга быһыыны ылбатах дьоҥҥо кулун тутар 1 күнүттэн бэйэтин кыраныыссатын аһарга көҥүл биэрэрин туһунан биллэрбит. Дойдуга киирээччи икки төгүллээн ПЦР-тест ааһыахтаах.
«Саха сирэ» хаһыат, edersaas.ru
Хаартыска sakha.gov.ru