Дьокуускайга «Аан дойду виртуоз-хомусчута» норуоттар икки ардыларынааҕы күөн күрэс сүүмэрдиир түһүмэҕэ ыытылынна.
Хомус түмэлигэр уонна киинигэр «Хомусист-виртуоз мира» диэн норуоттар икки ардыларынааҕы күөн күрэскэ Саха сирин хомусчуттарыгар сүүмэрдиир түһүмэх ыытылынна. Түһүлгэҕэ барыта 18 хомусчут кыттыбытын туһунан түмэлтэн иһитиннэрэллэр. Дьүүллүүр сүбэҕэ Алексеев И.Е.-Хомус Уйбаан, Левочкин В.В., Шишигин С.С., Дегтярева А.М., Жиркова А.С., Жирков Н.Е. үлэлээбиттэр. Сүүмэрдиир түһүмэх түмүгүнэн Саха сирин аатыттан Эркин Алексеев, Артур Семенов, Варвара Степанова, Айсен Деллохов, Айаал Дмитриев, Туйаара Жиркова, Арыйаана Михайлова, Нарияна Ренанто-Бочкарева, Георгий Слепцов кыттар чиэскэ тиксибиттэр.
Урут маннык күөн күрэстэр 1991 уонна 2011 сылларга ыытыллыбыттар. 1991 сыллаахха Петр Оготоев, Спиридон Шишигин, Федора Гоголева, 2011 сыллаахха Альбина Дегтярева, Юлияна Кривошапкина-Дьүрүйээнэ, Ким Борисов кыайыылаахтарынан тахсыбыттар.
Санатан эттэххэ, норуоттар икки ардыларынааҕы үһүс куонкурус бэстибээл Дьокуускайга сэтинньи 27-30 күннэригэр ыытыллар.
+1
+1
+1
+1
+1
+1
+1