«Аан дойду виртуоз-хомусчута» күөн күрэс далааһыннаах түһүлгэтигэр кимнээх кыттыахтарай?

Ааптар: 
Бөлөххө киир:
«Аан дойду виртуоз-хомусчута» норуоттар икки ардыларынааҕы куонкурус-бэстибээл сэтинньи 27-28 күннэригэр ыытыллар. 
Бу далааһыннаах улахан күрэс түһүлгэтигэр Саха сириттэн тоҕус хомусчут кыттар үрдүк чиэскэ тиксибитэ. Ол туһунан Хомус түмэлигэр уонна киинигэр ыытыллыбыт мунньахха СӨ Бырабыыталыстыбатын бэрэссэдээтэлин солбуйааччы Сергей Местников эппитин СИА суруйар.
«СӨ Ил Дархана Айсен Николаев быһаарыытынан, сэтинньигэ «Аан дойду виртуоз-хомусчута» норуоттар икки ардыларынааҕы күөн күрэс ыытыллар. Билигин бэлэмнэнии үлэлэрэ ыытыллаллар. Биһиги хомусчуттары аан дойду араас муннугуттан күүтэбит. Биллэн турар, хааччахтааһыннар бааллар, ол гынан баран хомусчуттар ыраахтан тиийэ кэлэн кыттыахтара диэн эрэнэбит», — диир Сергей Местников.
Вице-премьер алтынньы саҥатыгар Саха сирин хомусчуттарыгар сүүмэрдиир түһүмэх ыытыллыбытын, ол күөн күрэскэ кыттарга тоҕус хомусчут талыллыбытын эттэ. Бастакы түһүмэҕи Эркин Алексеев, Артур Семенов, Варвара Степанова, Айсен Деллохов, Айаал Дмитриев, Туйаара Жиркова, Арыйаана Михайлова, Нарияна Ренанто-Бочкарева уонна Георгий Слепцов ааспыттара. Маннык улахан күрэстэр ыытыллар буоланнар, хомуска оонньуу сайдарын уонна көлүөнэттэн көлүөнэҕэ салҕанарыгар эрэнэрин биллэрэр.
Санатан эттэххэ, «Аан дойду виртуоз-хомусчута» норуоттар икки ардыларынааҕы бастакы куонкурус 1991 сыллаахха буолбута. Оччолорго Петр Оготоев, Спиридон Шишигин, Федора Гоголева, 2011 сыллаахха буолбут иккис күөн күрэскэ Альбина Дегтярева, Юлияна Кривошапкина-Дьүрүйээнэ, Ким Борисов кыайыылаахтарынан буолбуттара. Күрэхтэһии үһүс төгүлүн сэтинньи 27-30 күннэригэр ыытыллар.
Хаартыскаларга Мария Васильева (СИА) түһэриилэрэ
+1
0
+1
0
+1
0
+1
0
+1
0
+1
0
+1
0