Аан дойду таһымнаах мас тардыһааччылар кэлитэлээн эрэллэр

Ааптар: 
Бөлөххө киир:

Дьокуускайга ыытыллыахтаах мас-рестлиҥҥэ аан дойду төрдүс чөмпүйэнээтигэр күрэхтэһии кыттыылаахтара кэлитэлээн эрэллэр.

Маҥнайгынан Белоруссия, Бенин уонна Того мадьынылара кэллилэр. Кинилэр кэннилэриттэн Дьокуускай аэропордугар Венгрия, Греция, Словакия уонна Индия атлеттара түспүттэрэ. Билигин Азербайджан уонна Бразилия бэрэстэбиитэллэрэ кэлэллэрэ күүтүллэр. Ыһыах күнүгэр кэлбит ыалдьыттары кымыһынан уонна алаадьынан күндүлээн көрүстүлэр.

Словакия хамаандатын састаабыгар Оливер Курек баар. Кини ааспыт сыл ахсынньытыгар Финляндияҕа ыытыллыбыт мас тардыһыыга аан дойду кубогар чаҕылхайдык киирсэн аатын ааттаппыта. 80 киилэ диэри ыйааһыҥҥа Арассыыйа икки төгүллээх чөмпүйүөнэ Станислав Иванову кыайан сөхтөрбүтэ. Бүтэһигэр финалга тиийэн,  Словакия мадьыныта  Арменияттан төрүттээх Оганес Давтянтан маһы туура тардыбыта.

+1
0
+1
0
+1
0
+1
0
+1
0
+1
0
+1
0