Аан дойду үрдүнэн коронавирус дьаҥыттан 250 тыһыынчаттан тахса киһи өлбүт

Ыам ыйын 5 күнүнээҕи  туругунан,  аан дойду үрдүнэн коронавирус дьаҥыттан 250 тыһыынчаттан тахса киһи өлбүт. Бу туһунан Джон Хопкинс аатынан университет официальнай статистикаҕа сигэнэн дакылааттаата.

edersaas.ru

Саамай элбэх киһи АХШ өлбүт, 68 442 түбэлтэ. Бу  дойдуга ордук элбэх өлүү Нью-Йорк куоракка бэлиэтэммит (19 057 киһи).

Италияҕа  29 079,  Великобританияҕа  28 734 киһи коронавирус дьаҥыттан суорума суолламмыт.

Испанияҕа (25 428), Францияҕа (25 168), Бельгияҕа (7924), Бразилияҕа (7288), Германияҕа (6935), Ираҥҥа (6277) уонна Нидерландыга (5082) дьон өлүүтэ эмиэ элбэх.

Онтон Арассыыйаҕа коронавирус дьаҥа туруоҕуттан  1356 киһи өлбүт. Ыарыыга сутуллубут дьон ахсаанынан биһиги дойдубут сэттис миэстэҕэ турар — 145 268 киһи ыалдьыбыт.

Егор Карпов, edersaas.ru

Хаартыска РБК