Аан дойду чөмпүйэнээтигэр кыттыахтаах Арассыыйа хамандаатын састааба билиннэ
Быйыл алтынньы 2 күнүттэн Норвегияҕа көҥүл тустууга аан дойду чөмпүйэнээтэ буолуоҕа. Онно бэлэмнэнии күүскэ бара турар. Ол курдук, бүгүн Сочига Арассыыйа хамаандатын састааба биллэриллиэҕэ. Хамаанда састаабын оҥорууга бу күннэргэ күрэхтэһии буолан ааста. Итиннэ эбии Олимпиада икки төгүллээх чөмпүйүөнэ Абдулрашид Садулаев (97 киилэҕэ диэри) уонна Европа чөмпүйүөнэ Абасгаджи Магомедов (61 киилэҕэ диэри) киирэн биэрдилэр.
Хонтуруоллуур киирсиилэр түмүктэринэн, бөҕөстөр хайдах-туох туруктаахтарын, ким хайдах бэлэмнээҕин быһаарбыттар. Хамаанда састаабыгар Токиоҕа өрөгөйдөөбүт Олимпиада икки төгүллээх чөмпүйүөнэ Абдулрашид Садулаев киирэн, өссө кыайыыга дьулуһарын туһунан ФСБР пресс-сулууспатыгар иһитиннэрдилэр.
Аан дойду чөмпүйэнээтигэр Арассыыйа сүүмэрдэммит хамаандатын састааба:
57 киилэҕэ диэри — Абубакар Муталиев
61 киилэҕэ диэри — Абасгаджи Магомедов
65 киилэҕэ диэри — Загир Шахев
70 киилэҕэ диэри — Евгений Жербаев
74 киилэҕэ диэри — Тимур Бижоев
79 киилэҕэ диэри — Радик Валиев
86 киилэҕэ диэри — Артур Найфонов
92 киилэҕэ диэри — Магомед Курбанов
97 киилэҕэ диэри — Абдулашид Садулаев
125 киилэҕэ диэри — Зелимхан Хизриев.
edersaas.ru