Бүгүн, алтынньы 9 күнүгэр, Дьокуускай аэропуордугар Норвегияҕа ыытыллыбыт көҥүл тустууга аан дойду чөмпүйэнээтигэр боруонса мэтээли ылары ситиспит Арыйаан Тютрины үөрүүлээх быһыыга-майгыга көрүстүлэр.
Арыйаан Тютрины көрсө СӨ Успуорка уонна физическэй култуураҕа миниистирин э.т. Леонид Спиридонов, СӨ Успуорка бэлэмнээх буолуу киинин салалтата, тириэньэрдэр, Уус Алдан землячествота, чугас дьоно, доҕотторо, суруналыыстар уонна ыалдьааччылар кэллилэр.
Арыйаан чөмпүйэнээккэ Белоруссия аатыттан 57 киилэҕэ туһунна. Кини аэропуорка суруналыыстарга санаатын маннык үллэһиннэ:
— Дьиэбэр мэтээллээх кэллим диэн үөрэн турабын. Аан дойду чөмпүйэнээтигэр бастакы кыттыым буолар. Бэлэмнээх буоламмын улаханнык долгуйбатаҕым. Чөмпүйэнээт миэхэ ситиһиилээхтик ааста диэхпин сөп. Уоскутар бөлөххө киирэн тустарбар кыах көстүбүтүгэр бэлэмнэнэн, олус элбэх киһи күүтэн олорор диэммин туох баарбынан туһуннум. Билигин кыратык сынньаныам, онтон дьарыкпын салгыаҕым.
Успуорт министиэристибэтин пресс-сулууспатын хаартыскалара.