Аан дойду үрдүнэн 34,39 мөлүйүөн киһи коронавирустаабыт

Ааптар: 
Бөлөххө киир:

Доруобуйа харыстабылын аан дойдутааҕы тэрилтэтин (ВОЗ) чахчыларынан, коронавирус дьаҥа күнтэн күн күүһүрэн эрэ иһэр. COVID-19 ыарыыга балаҕан ыйын 3 күнүгэр аан дойду үрдүнэн ыалдьыбыт дьон ахсаана 34,39 мөлүйүөнтэн тахсыбыт. Ыарыы саҕаланыаҕыттан 1,024 мөлүйүөн киһи тыына быстыбыт.

edersaas.ru

Саамай элбэх ыалдьыбыт киһи АХШ иһигэр бигэргэммит — 7,33 мөлүйүөн, иккиһинэн Индия турар — 6,47 мөлүйүөн, үһүс миэстэҕэ Бразилия — 4,88 мөлүйүөн. Төрдүс миэстэҕэ Арассыыйа турар — 1, 204 мөлүйүөн киһи ыалдьыбыта чахчыламмыт.

Соторутааҕыта коронавирустаабыта биллибит АХШ бэрэсидьиэнэ Дональд Трамп “туругум үчүгэй” диэн Твиттерга видео таһаарбыт. “Бастаан балыыһаҕа киирэрбэр соччото суох туруктаах этим. Билигин лаппа тубустум, быыбар үлэтигэр төттөрү кыттыһарбын күүтэбин,” — диэн суруйбут. Бэҕэһээ Украина урукку бэрэсидьиэнэ Петр Порошенко ыарыыга хаптарбытын туһунан биллибитэ, икки тыҥатыгар пневмониялаах балыыһаҕа киирбит.

Егор Карпов, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0